Rodrigo Joglar
Mayestru de gaita asturiana
Llámome Rodrigo Fernández Joglar y dedícome a la enseñanza de la gaita asturiana, pa percusión tradicional y el curdión diatónicu. Nací en Xixón en 1988 y entamé na música a la edá de 10 años. Aniciéme cola gaita de mano de Juan Carlos Varela pa pasar pocu dempués a les clases de Pedro Pangua na Escuela Municipal de Música de Llanera. Al pocu entamé a estudiar curdión diatónicu col maestru Xuan Nel Expósito y continué la mio formación nel Conservatoriu Profesional de Música de Uviéu, onde formé parte de la primer promoción del Grau Profesional de Gaita. Amás d’ello, soi llicenciáu en Pedagoxía y fice un Máster n’Intervención y Investigación Socioeducativa na Universidá d’Uviéu.
Trayectoria musical
Dende l’añu 2000 participé y collaboré con infinidá de colectivos, agrupaciones musicales, bandes de gaites y grupos folk y anguaño soi codirector de LaKadarma, agrupación que trabaya nes posibilidaes arreglístiques de la gaita asturiana. Tengo tocao o collaborao, entre otros, colos siguientes grupos y artistes: Verdasca, Rubén Bada, Elías García y Andrea Joglar, les bandes de gaites Fonte Fuécara, La Raitana, Ribeseya y Villa y Condáu de Noreña, Rodrigo Cuevas, Felpeyu, ¿Aú?, Llan de Cubel, Tarna, Desakato, Xera, Anabel Santiago, Teatru Margen, Xeitu, Caldo y Os Rabizos, Héctor Braga, JOEMPA, AICA, Orquesta de Cámara del Conservatoriu del Nalón, La Banda Latira o Cerezal.
Agrupaciones
Anguaño, amás d’actuar como gaiteru solista, toi tocando en los grupos Loína, Urso Dakoff, La Banda… Latira! y codirixo LaKadarma.
Docencia
Llevo dedicándome profesionalmente a la docencia na estaya de la música tradicional dende l’añu 2012, sobremanera nel campu de la gaita asturiana, anque tamién imparto clases de percusión tradicional y de curdión diatónicu.
Trabayé en escueles como:
- Escuela Municipal de Música de Nava
- Escuela de Música y Danza Tradicional Villa de Xixón
- Escuela de Música Molín del Sutu
Anguaño trabayo en:
- Escuela de Música y Danza Popular de Noreña
- Escuela de Música Tradicional LaKadarma (L’Infiestu, Piloña)
y tamién nes escueles online:
Amás d’ello tamién imparto delles clases particulares presenciales y online.